"Apricot Stone” երգի նոր ռեմիքսը 8 bit-ի եւ DJ Վակցինայի կողմից
DJ Վակցինան եւ 8 bit-ը մեզ սիրով տրամադրեցին երգի նոր ռեմիքսը, ասացին, որ իրենց հիմնած "The Laboratory” ստուդիայի առաջին լուրջ ռեմիքսն է. "Մենք երկար ժամանակ որոշում էինք, թե որ երգն ենք առաջինը ռեմիքսելու: Երկար քննարկումներից հետո գտանք, որ "Apricot Stone” երգը շատերի կողմից ամենացանկալին է: Ռիվասի մենեջմենթի հետ պայմանավորվածություն ձեռք բերելով` սկսեցինք այս ռեմիքսի աշխատանքները”:
"Ծիրանի կորիզի” նոր ռեմիքսը ստացվել է progressive house ոճում, կատարել են մոտ մեկ շաբաթում, հիմա էլ հանձնում են ձեր դատին. "Կա եւս մեկ ռեմիքս` կատարված ռուս DJ-ների կողմից, իսկ սա հայկական տարբերակն է: Հուսով ենք` այս մեկն ավելի շատ կընդունվի մեր երիտասարդության կողմից”,- ասաց DJ Վակցինան:
Հայաստանը "Եվրատեսիլ 2010”-ում ներկայացնող Եվա Ռիվասը
Ի դեպ, որպես 8 bit Վահագն ու Սուրեն Նալբանդյաններն իրենց կարիերան սկսել են 2008 թվին` ստեղծագործելով հիմնականում minimal techno, minimal house, micro tech ուղղվածությունների մեջ, իսկ ընդհանրապես, ստեղծագործել սկսել են 2001 թվականից բացառապես Եվրոպական շուկայի համար: Ներկայումս 8 bit-ը համագործակցում է DJ Վակցինայի հետ, ում հետ արդեն պատրաստել է առաջին ձայնասկավառակը, որը կոչվում է «Double Injection» («Կրկնակի ներարկում»), որն արված է եվրոպական չափանիշներով:
8 bit- տղաները կրում են «sorry, we are minimal» կարգախոսը
8 bit խմբի անդամները ունեն բավականին ծանր բնավորություն, գրեթե չեն հաճախում հայկական ակումբներ, հարցազրույց համարյա չեն տալիս, այդ իսկ պատճառով կրում են «sorry, we are minimal» կարգախոսը:
Տեքստը` Լիանա Մեյթարջյանի /Bravo.am/
Լուսանկարները` "The Laboratory”-ի արխիվից
Եվա Ռիվասի եվրատեսիլյան "Ծիրանի կորիզի” բոլորովին նոր ռեմիքսը Bravo.am-ում
